Сменете ги овие лоши навики, погубни се за здравјето!

Ако не ги ставите под контрола, дефинитивно не ви се пишува добро!

Не е лесно да се ослободиме од лошите навики, но околу некои работи вреди да се потрудиме затоа што на тој начин ќе си го зачуваме здравјето. Научниците врз основа на проучување големи групи луѓе и влијанието врз нивното здравје, издвоиле кои се четирите најштетни навики кои ако не се стават под контрола брзо ќе му направат голема штета на организмот.

Консумирање сокови и процесуирана храна

Студија која во траење од 34 години набљудувала 118 илјади луѓе го поврзала прекумерното консумирање засладени напитоци со срцевите проблеми. Стручњаците советуваат одбегнување на засладени сокови, слатки и пекарски производи, црвено месо и сол и препорачуваат во исхраната да се внесе што е можно повеќе овошје, протеини и квалитетни маснотии. На тој начин полесно ќе ја одржувате нормалната телесна тежина и ќе ги заштитите мозокот и срцето.

Пушење

Пушењето убива! Ни една друга навика не е толку поврзана со смртноста. Освен што предизвикува рак, тука се и срцевите и белодробните болести, мозочниот удар, тешкотиите со дишењето, хроничниот бронхитис… Со пушењето во организмот се внесува катран и токсични метали, па не е ни чудо што оставањето на цигарите се поврзува со продолжувањето на животниот век.

Долготрајно седење

Последиците од седечкиот начин на живот се лоши по психичкото и физичкото здравје, па стручњаците препорачуваат бавење со аеробни активности, во што спаѓаат сите активности кои ќе ја забрзаат работата на срцето и ќе ве натераат да се движите. Оптималното траење на тренингот е меѓу 30 и 45 минути.

Пиење алкохол

Еден до два алкохолни пијалаци на ден нема да ви наштетат, но се што е повеќе од тоа може да биде опасно за здравјето. Американскиот центар за контрола на болестите ЦДЦ како прекумерна консумација на алкохол наведува осум или повеќе алкохолни пијалаци неделно за жените и 15 или повеќе за мажите.