Една студија покажува дека оние лица кои не го менуваат докторот – живеат подолго. Истражувањето се вршело во девет земји од четири континенти и тоа од различни области, поради што се верува дека не станува збор за културата на народот, туку сепак е во прашање човеки фактор.
Според истражувањето, тоа делува на два начина: пациентите разговараат со докторите кои ги познаваат и на кои им веруваат дури и ако се работи за незгодни прашања. А докторот, исто така, има подобри информации и ги прилагодува советите кои ќе му ги даде на пациентот.
Претходни студии покажале дека пациентите се позадоволни кога долго време одат кај истиот доктор по општа пракса затоа што се запознаени со сите болести, а и ги следат резултатите од специјалистите, со што се намалува веројатноста овие пациенти да завршат во болница.
За да истражат дали навистина здравствената нега влијае на смртноста, научниците проучиле 22 студии кои опфатиле и лекари по општа медицина и специјалисти.
Во една студија податоците кои се добиени од пациентите, покажуваат дека подолгото одење на ист лекар сепак е поврзано со понизок процент на смртност. Со оглед на големите варијации во студиите, истражувачите велат дека со сигурност не може да тврдат дали постојаното одење кај ист лекар е поврзано со смртноста.
Докторите истакнуваат дека досега лекувањето кај ист лекар се гледало како прашање на комодитет, а не како здравствено прашање. Сега се покажува дека станува збор за здравствено прашање.
Во некои земји е многу тешко да се посетува ист доктор, пред се, во јавните здравствени организации. Тука не постои проблем да се пристапи до доктор, туку проблемот е како да се дојде до одреден специјалист.
