После тренинг или изеден хамбургер, постојат можности да бидете причина која ќе ги оддалечи останатите во просторијата од вас поради непријатниот мирис. Тоа многу лесно ноже да го решите со туширање или со паста за заби… Но, постојат ситуации кога тоа не се решава така едноставно. Станува збор за природни мириси кои може да укажат на проблеми со здравјето. Во суштина, некои од нив може токму на тој начин и да ги препознаете.
Ова се пет непријатни мириси кои може да сигнализираат дека нешто не е во ред со вашето здравје.
Здив со мирис на скапано овошје: Симптом за дијабетес
Во момент кога вашето тело има недостаток на инсулин и доаѓа до зголемување на шеќерот во крвта, можно е да се развијат две форми на дијабетес. Кај луѓето со тип 1 почесто се случува да имаат компликација наречена дијабетна кетоацидоза, по која доаѓа до користење на масни киселини за добивање на енергија. Тоа предизвикува создавање на кетони во крвта, и се појавува непријатен здив кој потсетува на скапано овошје. Последици од дијабетната катеоацидоза може да бидат сериозни, дури и со смртен исход. Се јавува често мокрење, повраќање со што се губат многу телесни течности. Се јавуваат и други симптоми како замор, заматен вид, нагло губење на килограмите.
Непријатен мирис на стапалата: Симптом за атлетски стапала
Понекогаш на сите луѓе им мирисаат стапалата, но тоа најчесто се јавува по долга физичка активност. Меѓутоа, ако забележите сува и излупена кожа меѓу прстите, црвенило и меурчиња на стапалата, можеби имате атлетско стапало. Покрај ова, се јавува и непријатен мирис предизвикан од комбинацијата на габи и бактерии на вашата кожа. Овие бактерии може преку чешање, допир да ги пренесете и на другите делови од телото, па и таму да се почувствува оваа непријатна миризба. Ако го игнорирате атлетското стапало, кожата меѓу прстите може да стане мека и влажна, што ќе прифати дополнителни бактерии. Обидете се да го решите овој проблем со спреј кој е наменет за болните подрачја, а ако проблемот не се повлече по две седмици, посетете доктор.
Непријатен мирис на столицата: Симптом за интолеранција на лактоза
Кога тенкото црево не произведува доволно ензим лактоза, може да дојде до проблеми со варењето, што директно се одразува на столицата. Симптоми за овој проблем се непријатен мирис, надуеност, но и чести гасови со непријатен мирис, болки во стомакот, мачнина, дијареа, повраќање. Ова значи дека интолеранцијата на лактоза се распространила. Во некои случаи потребно е да внесете само 12 грама лактоза (една чашка сладолед), за да ги почувствувате овие симптоми. Ако забележите непријатен мирис на столицата по внесување на млеко и млечни производи посоветувајте се со доктор. Многу е важно да се делува на време за да се избегнат поголеми компликации.
Непријатен мирис на урината: Симптоми на инфекции на уринарниот тракт
Инфекција на уринарниот тракт може да предизвика многу непријатна миризба на урината. До тоа доаѓа откако бактериите, најчесто ешерихија коли, ќе го нападнат уринарниот тракт. Со размножувањето на бактериите доаѓа до инфекција, која почесто се јавува кај жените, бидејќи каналот кој ја спроведува урината од мочниот меур надвор кај мажите е пократка. Совет е да се направи контролира на урината штом почувствувате непријатен мирис. Превенцијата е решение за многу проблеми.
Непријатен здив: Симптом за апнеа синром во спиењето
Ако секое утро кога ќе се разбудите имате непријатен здив дури и откако ќе ги измиете забите, можно е да имате проблеми со апнеа синдром (пореметување кое предизвикува спорадично престанување на дишењето додека спиете). Од оваа причина се појавува и ‘рчење, заради што повеќе дишете преку устата. Затоа устата ви е сува преку денот, а тоа доведува до развој на бактерии. Ова пореметување може да предизвика висок притисок, болести на срцето, но и дијабетес. Затоа веднаш отидете на лекар.
