„Еден од пет смртни случаи годишно или вкупно 11 милиони во светот, се последица од неправилната исхрана“, пренесува Њујорк пост.
Во едно поново истражување е откриено дека болестите како што се ракот и дијабетесот најчесто се поврзуваат со лошите прехранбени навики, како и со погрешни диети кои знаат да бидат погубни за организмот.
Земји со најмалку смртни случаи кога се во прашање прехранбените навики, според резултатите од ова истражување, се оние кои ја следат медитеранската исхрана, како што е, на пример, Шпанија. Така е затоа што оваа земја е богата со производи како што е маслиновото масло, што ја направи најздрава земја, според Блумберговиот индекс за здрави земји за 2019 година.
Уште еден интересен податок од истражувањето е и фактот дека лошите прехранбени избори на листата ги „претркале“ цигарите што инаку важат за главен непријател на здравјето.
