Резултатите од истражувањето кое го спровело тим истражувачи од Харвард покажале дека луѓето кои секогаш доцнат се поздрави и посреќни. Истражувачите тврдат дека луѓето кои се склони да доцнат имаат тенденција да живеат подолго, па со самото тоа да бидат и со подобро расположение. Причината за доцнењето на луѓето главно не е злоба, ниту некоја лоша намера, туку оптимизам и високо ниво на ентузијазам.
„Многу луѓе кои доцнат се оптимистични и нереални и тоа влијае на нивната перцепција на времето. Заради преоптимистичниот распоред многумина хронично доцнат и веруваат дека е можно да стигнат да ги завршат сите обврски дури и кога не е така“, рекла Дијана Делонко, автор на книгата од серијата „Never Late Again“.
Џастин Крег, психолог од универзитетот во Њујорк, исто така, смета дека потценувањето на времето кое е потребно за завршување на сите обврски е причина за доцнење на луѓето.
Истражувачите од Харвард, пак, велат дека да се биде оптимист всушност значи да се биде посреќен.
„Оптимистите секогаш се фокусираат на позитивната страна, а тоа подразбира попродуктивен, покреативен и поопуштен живот“, велат стручњаците.
Освен тоа, резултатите од оваа студија покажале и дека оптимистите заради поопшутениот начин на живот доживуваат помалку стрес. Сето ова ги намалува шансите за зголемен крвен притисок и болести на срцето. Сепак, научниците нагласуваат дека доцнењето не е баш прифатлива особина и советуваат барем да се обидете да дојдете на време на работа или на некој состанок.
