Седумнаесет водечки светски кардиолози тврдат дека високото ниво на холестерол не предизвикува срцеви болести. Тие предупредуваат дека статините – лекови кои го намалуваат холестеролот, не пружаат никаква заштита. Новото истражување дополнително ги „вознемири“ дискусиите околу статините и кардиолозите никако не се согласуваат дали од нив има корист. Оваа нова студија заснована на анализата на податоците добиени од 1,3 милиони пациенти укажува на тоа дека препишувањето на статините како главен облик на лекување на срцевите болести има поделено влијание. Тим од овие лекари открил дека нивоата на лош холестерол ЛДЛ-Ц не се поврзани со срцевите болести. Студијата не нашла ни поврзаност меѓу атеросклерозата и високите вредности на лош холестерол, и покрај бројната медицинска литература која тврди дека наслагите маснотија на клеточните ѕидови кои ги запушуваат артериите се создаваат заради холестеролот. Изненадува и тоа што се покажало дека пациентите со срцев удар имаат „лош“ холестерол понизок од нормалниот.
Професорот Шериф Султан, еден од авторите, изјавил дека најзначајното откритие е дека луѓето со висок „лош“ холестерол живеат најдолго.
Останатите научници кои биле дел од студијата, пак, ги анализирале податоците на луѓе од Америка, Ирска, Италија, Шведска и Јапонија. Во својот труд научниците пишуваат дека лекарите би требало да престанат да препишуваат статини и PCSK-9 инхибитори, нова класа лекови за намалување на холестеролот.
Доктор Асем Малхотра, кој не бил дел од студијата, рекол дека доказите против употребата на статините растат и истакнал дека дури мал дел од пациентите има корист од тој лек.
„На сите други милиони пациенти кои го земаат тој лек, статините нема да им помогнат да живеат ни ден подолго“, тврди д-р Малхотра.
