Познато е дека лукот е една од најздравите намирници, односно дека има неверојатни здравствени придобивки. Содржи околу 400 активни состојки и е богат со витамини и минерали како што се аденозин, алицин, аминокиселини, растителни влакна, витамин А, витамини Б1 и Б2, витамин Ц, железо, ензими, есенцијални масла, јод, калиум, калциум, селен, сулфур и фосфор…
Но, и покрај сите лековити својства, постојат одредени групи луѓе кои не смеат да го консумираат:
Пред операција не се препорачува консумирање лук, и тоа најмалку две недели пред зафатот бидејќи може да го продолжи крвавењето. Не се препорачува на личности со низок притисок бидејќи оваа чудотворна намирница го намалува крвниот притисок и може само да си нанесете поголема штета.
Лукот има антибактериско и антивирусно дејство, но не се прапорачува за оние кои имаат проблеми со црниот дроб, бидејќи некои соединенија на лукот можат да предизвикаат стимулација во желудникот и цревата, што може да доведе до инхибирање на секрецијата на дигестивниот сок во системот за варење. На тој начин, тој влијае на варењето на храната и ги влошува симптомите на хепатитот, како што е гадењето. Освен тоа, некои од неговите компоненти ги намалуваат црвените крвни зрнца и хемоглобинот, што значи дека претераната употреба на лукот може да доведе и до анемија.
Луѓето со болести на очите, исто така, треба да го одбегнуваат лукот. Традиционалната кинеска медицина не го одобрува редовното консумирање на лукот во големи количини, бидејќи може да ги оштети очите и црниот дроб, како и да предизвика губење на меморијата, зуење во ушите и други здравствени проблеми.
Пациентите кои страдаат од дијареја треба да го избегнуваат лукот, бидејќи неговиот состав може да ги стимулира цревата на тој начин што може да доведе до хронично воспаление и влошување на едемите.
