Истражување објавено од група кинески истражувачи од Нанкинг, објавено во списанието Nutrition and Metabolism, утврдило дека состојките кои се наоѓаат во кромидот и во лукот имаат својства кои делуваат против гојазноста.
Се покажало дека етеричните масла издвоени од лукот и од кромидот може да го поништат ефектот на високомасната исхрана кај глувците во делот на телесната тежина, профилот на липиди во крвта и натрупувањето на масно ткиво. Со оглед на сличните метаболички реакции, веројатно, е дека овие резултати може да се применат и кај луѓето.
За експериментот, истражувачите исечкале главица свеж кромид и лук, ги потопиле во дестилирана вода и така ги издвоиле есенцијалните масла. Потоа 96 експериментални глувци ги поделиле во осум групи, вклучувајќи група која добивала есенцијално масло од лук, есенцијално масло од кромид и контролна група која добивала само вода. Глувците биле хранети со многу масна храна или веќе имале маснотии во крвта.
На крајот од експериментот утврдено е дека глувците кои добивале есенцијални масла од лук и од кромид значително помалку се здебелиле од останатите групи и дека имале помалку поткожно масно ткиво.
Ова не е прво истражување кое ги покажало таквите ефекти на лукот и кромидот, бидјќи и друго претходно истражување направено на Институтот за медицина во Кореа ги споредило ефектите на водениот раствор на етанол и гарсинија со делувањето на екстрактот на кромид. И овде се покажало дека групата која го добивала екстрактот од кромид значително ја намалило телесната тежина, мастите, како и масните наслаги на телото во однос на групата експериментални ѓивотни која не добивала никакви суплементи. Затоа, ако сакате масна храна или имате проблем со вишок килограми, добро е во дневното мени редовно да ги вклучите лукот и кромидот.
