Калциумот има многу важна улога во функционирањето на секој организам. Освен што придонесува во создавање коскена маса и во спречување остеопороза, калциумот ја нормализира и работата на нервите и мускулите, го регулира отчукувањето на срцето, овозможува коагулација на крвта и го поттикнува сонот. Калциумот е важен и за имунолошкиот систем, како и за здрава кожа и коса.
Постојат многу фактори кои го црпат калциумот од телото. Првенствено тоа е долгото седење, прекумерните количини кафе, алкохол и газирани пијалоци. Недостатокот на калциум особено е изразен кај бремените и жените во менопауза, постарите мажи, како и кај луѓето кои страдаат од дигестивни пореметувања. Лушпата од јајцата содржи 90% калциум и е најдобар природен извор на овој минерал. Телото го апсорбира лесно бидејќи лушпата по хемискиот состав е слична на човечките коски и забите.
Во поголеми количини лушпата од јајце не само што помага за лекување на симптомите на недостаток на калциум и го спречува развојот на остеопороза, туку помага и за лекување на висок холестерол и висок крвен притисок. Лушпата на јајцето содржи и железо, бакар, манган, цинк, флуор, фосфор, хром и молибден. Поради ова, многу експерти препорачуваат мелена лушпа од јајце да се консумира како природен додаток на калциум. Во зависност од возраста, препорачаната дневна доза е од 1,5 до три грама.
За различни состојби се препорачуваат комбинации на мелена лушпа со други додатоци
Тироидна жлезда – лушпи од осум јајца добро се мијат, се сушат, се дробат и се преливаат со сок од два лимони. Се оставаат во фрижидер неколку дена, додека лушпите се стопат. Течноста се процедува, се меша со еден литар ракија и еден килограм мед. Се остава да стои седум дена пред да се употребува. Се зема по една лажица, два до четири пати на ден по јадење.
Гастритис, чир – Лажица мелена лушпа од јајце се меша со лажица шеќер и лажица мелено мускатно оревче. Се зема 20 дена, три пати на ден по една лажица. Мало лажиче мелени лушпи се меша со две лажици лимонов сок. Кога лушпите ќе се растопат, се додава еден децилитар топло млеко. Се зема два пати на ден, наутро на празен стомак и навечер пред спиење.
За зајакнување на телото и чистење на крвта – Лушпи од четири или пет јајца добро се мијат, се цедат и се стават во три литри вода. Се чуваат во фрижидер една недела и се користат како вода за пиење. Може да се пијат две до три чаши вода дневно со малку сок од лимон.
