Одамна владее мислењето за жените кои живеат сами со мачка, дека ќе останат сами и дека всушност се „откачени“. Научниците од универзитет во Калифорнија се позабавиле со ова мислење и дошле до заклучок дека луѓето кои имаат мачки всушност имаат помал ризик од заболување од ментални пореметувања за разлика од оние кои имаат куче или друг миленик.
Жените кои имаат мачки, велат истражувачите, се помалку депресивни и анксиозни. Студијата дошла до заклучок и дека овие жени не се нужно сами.
„Сопственичките на мачки не се посклони на анксиозност и депресија од другите, ниту се поосамени од другите, иако за нив често се зборува како за личности кои ќе умрат опкружени од своите 10 мачки“, велат истражувачите.
Во студијата учествувала 561 личност, а сите учесници пополнувале прашалници за тоа дали имаат миленик, но и на прашања поврзани со метналната состојба и социјалниот живот.
„Не најдовме ниту еден доказ кој оди во прилог на стереотипот кој владее за жените мачкарки“, велат научниците.
