Седите на попладневно кафе во друштво или подготвувате скара во дворот, и од сите луѓе само вас ве касаат комарците. Додека другите уживаат во релаксиран разговор, вие ги пребројувате убодите и се прашувате зошто сте магнет за комарците. Еве го одговорот.
Крвна група
Луѓето од крвна група 0 се попривлечени за комарците од оние со крвна група А или Б.
Бременост и прекумерна тежина
Базалниот метаболизам покажува колку вашето тело троши калории во состојба на мирување. Она што влијае на привлекување на комарецот е количината на CO2 што вашето тело го „издишува“ додека согорувате калории.
Бидејќи досадните напасници ги привлекува СО2, оние кои го „издишуваат“ се во поголема опасност. Бремените жени и лицата со вишок килограми имаат повисок базален метаболизам.
Боја на облека
Потемната облека, особено црната или темносината, е особено привлечна за комарците, за разлика од оние лица кои носат посветла гардероба.
Алкохол
Комарците го обожаваат мирисот на алкохол во топлите летни вечери. Оние што пијат се изложени на поголем ризик од иритирачки убоди затоа што дишат побрзо и имаат потопла кожа.
Движење
Колку повеќе се движите или гестикулирате, толку сте поинтересни за комарците, бидејќи на тој начин се издвојувате од околината и полесно ќе ве забележат.
Потење
Некои од нас потешко ги поднесуваат повисоките температури и се потат повеќе од другите. Токму тоа им се допаѓа на комарците кои ве препознаваат по мирисот на потта.
Мирис
Ако сакате благи парфеми, мора да знаете дека и комарците ги сакаат. Истото важи и за разни други производи, како што се млекото или маслото за тело.
