Тања Нокс на социјалните мрежи ја споделила фотографијата на која се гледа едно шише со нормално мајчино млеко и шише со мајчино млеко, но во црвена боја! Имено, за време на измолзувањето, Нокс останала шокирана, а нејзиниот сопруг речиси се онесвестил.
Станува збор за чест проблем кај доилките.
„И претходно сум измолзувала црвенкасто млеко, но никогаш не било вакво“, рекла Нокс. Виновник за невообичаената боја на млекото е маститис, односно воспаление на дојката, која е многу честа појава при доењето, наведува „Ifl Science“.
Маститисот може да предизвика крвни згрутчувања и токму тие ја менуваат бојата на млекото. Иако изгледа чудно и опасно, Нокс вели дека бебето смее да пие такво млеко. Експертите наведуваат дека трагите од крв и можна висока температури кај мајката не се причина за бебето да не цица. Велат дека никако не е добро да престанете да ја измолзувате воспалената дојка бидејќи на тој начин состојбата ќе се влоши. „Ако каналите ви се запушиле, продолжете да доите како и вообичаено и масирајте ја дојката. И не грижете се за тоа како ви изгледа млекото“, им порачала Нокс на мајките.
