Маката не влијае директно на човечките хормони. Разни истражувања дури покажуваат дека оваа билка не содржи растителни естрогени или хормони. Наместо тоа, има ефекти за нормализирање на хормоните, што може да се должи на уникатниот нутритивен профил на коренот. Оваа билка обезбедува оптимално ниво на хранливи материи користени од страна на ендокриниот систем на телото. Оваа активност го регулира метаболизмот, нивото на енергија, растот, сексуалниот развој и чувството на благосостојба.
Поконкретно, се верува дека маката ги храни и смирува нервите со калциум, фосфор, витамини Б1 и Б12, и масни киселини, од кои сите имаат благотворно дејство врз нервниот систем.
Консумирањето соодветна доза мака два пати дневно во текот на два месеци се покажало дека ги олеснува бројните симптоми на менопаузата, вклучувајќи топли бранови, несоница, депресија, нервоза и намалена концентрација. Исто така, се смета дека оваа билка има мал ефект и на зголемување на густината на коските. Иако маката не содржи растителни хормони, го стимулира производството на естроген. Дејството на маката кај жените во перименопауза и менопауза се верува дека е поврзано со група на соединенија слични на стероли, кои ја стимулираат хормоналната активност во јајниците преку хипофизата и хипоталамусот. Придобивките кои најчесто се забележуваат се значително намалување на топлите бранови, како и севкупно подобрување на расположението (помалку депресија и раздразливост) и зголемување на нивото на енергија.
Од особена важност за жените кои се во менопауза е истражувањето на оваа билка во однос на производството на хормони, зголемен сексуален нагон, поттикнување на метаболизмот, контрола на телесната тежина и зголемена енергија, намалување на стресот, антидепресивна активност, како и подобрување на помнењето.
За време на климактериумот жените минуваат низ хормонален преод, а јајниците речиси комплетно атрофираат и произведуваат се помалку естроген. Ова отсуство на естроген во телото ги предизвикува сите останати симптоми, бидејќи организмот бара минимален износ на естроген и прогестерон со цел да одржи функционална рамнотежа во телото. Тогаш на жените им е потребна континуирана хормонска заменска терапија. Затоа, на жените кои се во перименопауза или менопаузата им се препорачува мака.
Неодамнешните истражувања покажуваат дека маката всушност го стимулира нивото на естрадиол, го потиснува фоликулно-стимулирачкиот хормон (FSH) и го зголемува нивото на добриот холестерол (HDL). Покрај тоа, маката значително ја намалува и зачестеноста и интензитетот на топлите бранови и ноќното потење. Исто така, неодамнешните студии покажуваат значително намалување на психолошките симптоми, вклучувајќи анксиозност, депресија и сексуална дисфункција. Како таква, маката има тенденција за третирање на симптомите на менопаузата како целина; односно не третира само еден специфичен симптом, како на пример топлите бранови.
