Истражувањето спроведено на Универзитетот во Бремен, кое е објавено во списанието „BMC Public Health“ анализирало како некои од секојдневните активности влијаат врз здравјето.
Имено, научниците откриле дека постарите жени трошат во просек два часа на ден повеќе од мажите во извршување на домашните обврски.
Истражувачите анализирале колку време повозрасните лица секојдневно минуваат во извршување на 41 различна активност, од готвење и чистење до пеглање, и како овие активности влијаат на нивното здравје.
Резултатите покажале дека пензионираните мажи трошат околу 3,1 час дневно во извршување на домашни работи, додека жените поминуваат речиси 4,7 часа дневно работејќи низ домот.
Жените поминуваат повеќе време за готвење, чистење и купување, додека мажите го трошат своето „домаќинско“ време во ситни поправки во станот или во градината
Со оглед на тоа што постарите лица кои секојдневно извршувале домашни работи од 3 до 6 часа биле со подобро здравје од оние кои тоа го правеле само еден до два часа, авторите на студијата сметаат дека мажите по пензионирањето треба повеќе да се вклучат извршувањето на домашните работи доколку сакаат подолго да уживаат во доброто здравје.
