Кај повозрасните лица: Депресијата поврзана со проблемите со памтење

Резултатите од најновото истражување укажуваат дека депресијата и стареењето на мозокот можат истовремено да се појават и дека влошувањето на симптомите на депресија може да влијаат врз здравјето на мозокот

Повозрасните луѓе кои имаат тешки симптоми на депресија имаат повеќе проблеми со меморијата и повеќе маркери за стареење на мозокот, како што е помал волумен на мозокот и повеќе васкуларни оштетувања на мозокот, покажало новото истражување.

Резултатите од ова истражување укажуваат дека депресијата и стареењето на мозокот можат истовремено да се појават и дека влошувањето на симптомите на депресија може да влијаат врз здравјето на мозокот. Се смета дека симптомите на депресија и когнитивна дисфункција се силно поврзани кај постари возрасни лица.

Со оглед на тоа дека симптомите на депресија можат да се лекуваат, се смета дека терапијата за депресија може да ги ублажи проблемите со памтењето.

Понатамошните истражувања треба да ги разјаснат механизмите помеѓу потешките симптоми на депресија и когнитивни функции во староста, пишува „Neurology“.