Уште од памтивек медот важи за еден од најздравите и најчесто користени дарови од природата, па затоа е многу тешко да се замисли дека може да му наштети на нашето здравје. Нутриционистката од Тексас, Ангела Лимонд истакнува дека медот, сепак содржи шеќер, иако ние имаме поинаква претстава за него во нашите глави. Генерално ставот на нутриционистите е дека медот може и да има спротивно дејство доколку се претерува со неговата употреба во смути, овесна каша или други јадења, кои ги консумираме на дневна основа, а сигурно не водиме сметка колкава количина од мед употребуваме во истите, па често може и да претераме.
Преголема количина на мед во дневното мени води до акумулација на вишок килограми, дијабетес и расипани заби, и тоа се поради големата количина на фруктоза. Ова, секако, не значи дека медот треба потполно да го исфрлите од исхраната, но не треба ни пречесто да го употребувате. Секако, тој е милион пати поздрав избор од индустрискиот шеќер и вештачките засладувачи бидејќи е природен антибиотик и е преполн со антиоксиданти и пробиотици. „Важно е да ја ограничите количината на шеќер во исхраната, воедно и на медот, што значи само 1,5 лажица мед дневно“, советуваат нутриционистите.
