Војвотката од Сасекс, Меган Маркл, сопруга на принцот Хари, вели дека секое утро пие смути, а рецептот го открила во интервју за „The Chalkboard“, во кое зборувала и за другите свои здрави навики.
„Мојот омилен смути содржи шејк од ванила во кој додавам боровинки, акаи бобинки или некое друго зрнесто овошје, мед и полен од пчели“, открила Маркл, додавајќи дека одамна престанала да јаде брза и нездрава храна, па дури и во моментите кога е во огромен хаос.
„Наместо нездрави грицки пијам зелен сок, во почетокот не беше лесно наместо пица да се пие сок од зелен зеленчук, но сега е сосема во ред“, објаснила војвотката.
Освен што се придржува кон избалансирана исхрана, составена од нутриционист, Меган користи и додатоци, меѓу кои се магнезиум, капки со витамин Б 12, мултивитамини и средства за регулација на кортизолот. Понекогаш на овој микс додава и ашваганда
Магнезиумот е важен минерал кој ги смирува нервите, ги опушта мускулите и превенира напади на мигрена. Меркл претходно често страдала од овие тегоби. Витаминот Б12 придонесува за убавина на кожата, подобра функцијата на мозокот и спречува пад на енергијата. Ашвагандата е адаптогена билка, што значи дека делува антистресно и го поттикнува опоравувањето на организмот.
