За да функционира, имуниот систем бара рамнотежа и склад. Иако медицината секој ден напредува и натаму постојат работи кои научниците не ги знаат за релациите и меѓусебната поврзаност на имунолошките одговори. Засега не постојат ниту научни докажани директни врски помеѓу начинот на живот и подобрување на имунолошките функции, но тоа не значи дека ефектите на начинот на живот на имуниот систем не се интригантни.
Бројни научници го истражуваат влијанието на исхраната, вежбањето, возраста, психичкиот стрес и други причинители на имуниот одговор. Не пушете, редовно јадете овошје и зеленчук, редовно вежбајте, одржувајте здрава телеснна тежина, пијте умерено алкохол, обезбедете му доволно сон на телото, обидете се да го намалите стресот, всушност, се општи насоки кои може да се применат за да природно се одржи имуниот систем силен и здрав.
Научниците од Универзитетот Харвард изнеле пет вистини за имунитетот кои треба да се земат предвид за полесно да се носиме со сите оние предизвици кои ни претат и го нарушуваат здравјето. Обидот за поттикнување на имуниот систем е комплициран бидејќи постојат многу различни видови на клетки во имуниот систем кои на многу различни начини реагираат на различните микроби. Науката се уште јасно не дефинирала зошто телото постојано создава имуни клетки и се напаѓа ли можеби имуниот систем сам себе, но сосема е сигурно дека стресот, животниот стил и лошата исхрана, предизвикуваат лоши реакции на имуниот систем поради кои всушност се разболуваме.
Стареење
Способноста на имунолошките реакции се намалуваат со стареењето што за возврат допринесува за зголемен број инфекции и појава на рак. Научниците тој зголемен ризик го поврзуваат со намалувањето на Т клетките веројатно поради тоа што тимусот атрофира со годините и произведува помалку Т клетки што ја отежнува борбата против инфекциите.
Исхрана и суплементи
Здравиот имун систем треба добра редовна храна иако има релативно малку студии за влијанието на исхраната врз овој систем. Сепак, постојат некои докази дека недостатокот на микронутриенти, особено недостаток на цинк, селен, железо, бакар, фолна киселина и витамините А, Б6, Ц и Е ги менуваат имунолошките реакции.
Стрес
Современата медицина често расправа за поврзаноста на умот и телото односно на влијанието на психата на одбранбените функции на организмот. Широка палета на болести, особено желудочни и кожни тегоби, како срцеви болести, поврзани се со последиците од емоционалниот стрес .
Студ
Нормалната изложеност на умерено студенило не ја зголемува чувствителноста на инфекција. Научниците се согласуваат во тоа дека виновник за зачестеноста на настинки и грип во зимските месеци не е студеното време, туку фактот дека луѓето повеќе време поминуваат во затворен простор, во близок контакт со други лица кои може да пренесат вируси. При прекумерно греење, сувиот воздух ја суши слузницата на дишните патишта, па таа не е веќе во состојба да ги уништува потенцијалните напаѓачи. Некои научници дури и тврдат дека изложеноста на студено време може да го намали соочувањето со инфекции.
Физичка активност
Редовното вежбање е еден од столбовите на здравиот живот. Го подобрува здравјето на кардиоваскуларниот систем, го намалуа крвниот притисок,помага во контрола на телесната тежина и штити од разни болести. Физичката активност поттикнува и циркулација што овозможува клетките на имуниот систем слободно да се движат по телото и ефикасно да ги извршуваат своите функции. Научниците го проучувале и влијанието на физичката активност на чувствителноста на лицето на инфекции. Посебно ги интересирало може ли интензивното вежбање да ја намали имунолошката функција. Заклучокот бил дека и овде важи златното правило – умереност.
