Вирусна инфекција може да добиете во кој било период од годината. Ако не сакате болеста да ви го расипе одморот, запознајте се со фактите за тоа и дознајте како да ја избегнете.
Инфекцијата во текот на летото е навистина инфекција како и онаа која се „закачува“ во зима. Летните инфекции во основата се разликуваат од зимските. Предизвикани се со исти вируси. За да се развие инфекцијата мора да се исполнат истите услови – без оглед на сезоната. Еден од нив е прилично ослабениот имунитет на организмот. Во зима најчесто е предизвикана од змрзнување и настинка. А што може да се случи во лето? Причини може да има многу – пред се, може да биде сонцето – прегревање на телото, но и преоптовареност и замор, недостаток на сон, лоша исхрана, ненадејни промени во дневниот режим или климата и големите температурни разлики (што често се случува за време на патувањата во оддалечени зони).
Сладоледот и консумирањето ладни напитоци предизвикува болест – МИТ
Не се работи воопшто за консумирањето ладни производи, туку за разликата во температурата која се јавува во текот на летото. За време на топлите денови телото се загрева. Сладоледот или пијалаците кои се чуваат во замрзнувач предизвикуваат шок. Тоа лесно може да доведе до грчеви во крвните садови на грлото, и тоа е она што всушност им олеснува на вирусите да влезат во нашето тело и да го заразат. Истото важи и за пливањето во ладно море, езеро… Контракцијата на крвни садови придонесува за слабеење на имунитетот и го зголемува ризикот од инфекции, така што телото не треба да се изложува на брзи температурни промени.
Во лето настинката се третира исто како во зима – ВИСТИНА
Тоа е вистина. Кога се работи за домашните лекови за настинка препораките не се менуваат зависно од сезоната. Иако може да се чини дека топлото млеко со мед не е најдобра идеја во летните месеци, вреди да се размисли. Зошто?
Препорачаните производи како што се медот, лукот, малините имаат мнгу здравствени својства кои се непроменети во текот на целата година, од кои најважна е правилната хигиена. Миењето на рацете пред и после јадење, дезинфекција на рацете со посебни средства за дезинфекција, ако не можете да користите сапун и вода – сето ова мошне ефикасно го ограничува ширењето на вирусите и ризикот од инфекции.
