За зимата постојат неверојатни предрасуди, кои иако повеќе пати се побиени, луѓето и понатаму веруваат во нив. Ова се најпопуларни митови за влијанието на студот на човековото тело.
Да се трие со снег човек кој се смрзнало на улица
На човекот и така му е студено, а вие ќе го соблечете сред улица и ќе го триете со снег? Не, тоа е комплетно погрешно. Малите крвни садови на мраз стануваат многу нежни, па со остри движења може многу лесно да се повредат и можно е да се предизвика инфекција. Исто така, за лицата со слабо срце, таквата шок-терапија воопшто не е корисна.
Смрзнатото лице што побрзо да го внесете во топла просторија и да го искапете со врела вода
Човек во таква состојба е потребно постепено да се загрева. Прво, капењето во врела вода ќе биде голем шок. Второ, од нагли промени на температурата, во крвта може да се создадат згрутчувања, а тоа може да има сериозни последици. Најдобро е загревање на смрзнато лице да се започне во млака вода, на температура од 20 степени Целзиусови и постепено да достигнете до 40 степени.
Алкохолот одлично загрева
Да, на многумина им изгледа така. Кога пијат алкохол, имаат чувство дека пријатна топлина се шири по телото. Меѓутоа, тоа е лажно чувство. Употребата на алкохол го намалува чувството на студ, организмот неадекватно реагира на надворешното окружување и човекот кој се наоѓа во алкохолизирана состојба, не може да ја контролира сопствената состојба. Како резултат на тоа, смрзнувањето настапува брзо. Статистиката зборува дека во повеќе од 90% случаи смрзнуваат луѓето кои се потпијанети.
Менингитисот е последица од неносење капа
Не, менингитисот е инфекција и неа не ја предизвикува смрзнувањето. Менингитисот има три главни патогени: вирус, габи или бактерија. Всушност, тоа е воспаление на мембраната на мозокот или ‘рбетниот мозок. Организмот поради смрзнување слабее и станува поподложен на инфекции, но тоа не е главна причина за менингитис.
Немојте да вдишувате студен воздух, ќе ве заболи грлото
Причина поради која ве боли грлото е почеток на настинка, а кашлицата е можна последица од инфекција. Но, студениот воздух никако не може да биде причина за болки во грлото. Одредени лекари советуваат да не се избегнуваат зимските прошетки, бидејќи имунитетот тогаш работи со „полна пареа„. Само облечете се потопло.
Во зима е невозможно да добиете изгореници од сонце
Ако ги погледнете луѓето кои штотуку се вратиле од зимски одмор од планина, речиси сите се исончани. Објаснувањето е многу просто, мразот и снегот одрзуваат многу поштетено зрачење, отколку земјата во лето. Поради тоа, во сончевите и студени денови, задолжително користете крема со заштитен фактор.
