Студијата направена во Велика Британија открила дека две третини од младите добиваат напад на анксиозност и на самата помисла дека го загубиле телефонот. Стручњаците велат дека не постои тип на личност подложен на номофобија, туку дека таа може да им се случи на сите. Секој може да стане жртва.
„Денес друштвениот живот на младите буквално се врти околу паметните уреди“, тврди Стефани Бертелон, француски психолог и стручњак за следење на оваа појава.
„Евидентно е дека овој проблем станува всушност голем проблем ако некој почне постојано да испраќа или да ги проверува пораките, да пребарува по интернет на секој половина час, да игра игрички по цела ноќ… Таа личност е се помалку присутна во реалниот свет, не го забележува, а ако некој се обиде да и го земе телефонот станува нервозна, па дури и агресивна. Ова дефинитивно влијае на нормалното функционирање во општество, училиштето, семејството. Оваа појава стана акутен проблем и заради тоа во светот се повеќе се отвораат клиники за лекување од номофобија“, објанува тој.
