Семките се концентрат на корисни материи и може ги консумираат дијабетичари, лица кои сакаат да ја намалат прекумерната телесна тежина, како и пациенти со висок крвен притисок. Истражувањата покажале дека се идеални како замена за прескокнат оброк или како ужина. Мали се и практични, па затоа е добро да ги имате секогаш на дофат на рака, во ќесичка, чанта или џеб. Ако сте одлучиле да се храните здраво, овие лековите намирници треба да ви бидат застапени во исхраната, бидејќи помагаат во контрола на гликемијата и при прекумерна телесна тежина, а создаваат и долготрајно чувство на ситост.
Консумирањето семки во исхраната спречува појава на камења во жолчката, а истовремено го забрзуваат метаболизмот, што доведува до намалување на вишокот килограми. Сепак, со оглед на тоа што се калорични, не смеат да се јадат во преголеми количини.
СОНЧОГЛЕД
Сончогледот содржи бројни витамини: Е, Д и витамините од групата Б, фолна киселина, различни минерали, како што се магнезиум, железо и мешавина на елементи во трагови.
Најголеми придобивки: Високо ниво на селен, кој заедно со витаминот Е го одржува здравјето на ткивата и кожата, го забавува стареењето и ги чува крвните садови. Изобилството на феноли во сончогледот влијае на забавување на сите видови на деформации, артериосклероза, и малигни заболувања. Благодарение на триптофанот го подобрува расположението.
Употреба: Помешајте 2 лажички сончоглед со јогурт во текот на денот, додадете го во салати или едноставно грицкајте ги семките.
МАК
Малите бели или црни семки не се користат само во колачи, туку и во комбинација со други зачини за да се направи кари.
Најголеми придобивки: Содржат манган, високо-квалитетни протеини, масти, омега-6 масни киселини, витамин Е и фитостероли, одлични за намалување на нивото на холестерол. Овие семки се користат и за лекување на остеопороза, бидејќи содржат голема количина калциум.
Употреба: Ароматичниот вкус на семките од мак е препознатлив, затоа може да се додаваат во сендвичи или колачи, а подеднакво се вкусни и како додаток во многу салати или сосови. Чајот од мак делува смирувачки: половина час пред да легнете потопете неколку лажички мак, оставете да отстојат 5 минути а потоа добро процедете.
СЕМКИ ОД ТИКВА
Многу од нас не знаат дека овие семки се богати со минерали, како што е магнезиумот, кој помага во справување со стресот. Исто така, содржат и витамин Е, селен и линоленска киселина. Може да се додаваат во чорби од зеленчук, во салати или да се замесат со брашна за правење леб.
Најголеми придобивки: Одлични се за чистење на организмот од глисти, благодарение на својствата на тиквата да поттикнува одделување на паразитите од цревните ѕидови. Овие семки, исто така се ефикасни и во лекување на простатата. Содржат омега-3 масни киселини, даваат чувство на ситост, а поради влакнестата структура се и добри диуретици.
Употреба: Препорачаната доза е две до три лажички во текот на денот.
(Продолжува)
