Јаболковиот оцет е еден од оние производи со кои се врзуваат „магични“ ефекти врз здравјето: за некои тој е решение за вишокот на килограми, за други – прва помош при акни, трети го употребуваат како решение за лош здив, некои дури и дијабетес.
Долга е листата на состојби кои ги „третира“ јаболковиот оцет, па за почеток да видиме со каков состав на хранливи материи располага овој оцет, кој многумина го употребуваат во салати, супи, па дури и во смути за дополнителен ефект. Можеби ќе се разочарате, но не станува збор за некоја витаминска или енергетска бомба. Што, всушност, содржи една кафена лажичка јаболков оцет?
- Калории: 3
- Маснотии: 0 г
- Јаглехидрати: 0,14 г
- Протеини: 0 г
- Шеќери: 0,06 г
- Сол: 1 мг
- Влакна: 0 г
Јаболковиот оцет нема некоја научна позадина, која, на пример, би докажала дека навистина игра улога во губење на тежината
Многумина го нарекуваат јаболковиот оцет еликсир за губење на килограми, но факт е дека не постои причина за тоа.
Малку поголем ефект јаболковиот оцет може да има кога станува збор за намалување на холестеролот, меѓутоа, резултатите и понатаму се уште не се доволно истражени, а најголем дел од студиите биле спроведени на глувци.
Од друга страна, вистина е дека јаболковиот оцет помага во варењето и разградувањето на храната
„Луѓето со ниско ниво на киселина во желудникот може да имаат чувство како храната да се наоѓа во стомакот подолго време или како да се надуени. За многумина една чајна лажичка јаболков оцет е исклучително корисна бидејќи ја додава потребната киселина“, објаснила калифорниската нутриционистка Соња Анџелоне.
Мора да се признае и примената на јаболковиот оцет кај акните. Неговите антибактериски својства помагаат во борбата со проблематичната кожа. Меѓутоа, постојат толку многу дезинформации што луѓето забораваат или едноставно не знаат дека оцетот најпрво треба да се разреди, затоа што може да предизвика голема штета на кожата.
Оние кои го промовираат јаболковиот оцет за лош здив забораваат дека киселината во оцетот може да го оштети забното месо и емајлот.
Конечно, дали јаболковиот оцет е здрав или не?
Јаболковиот оцет е здрав како и секој друг оцет и не е магичен пијалак, кој ќе го реши секој ваш проблем со изгледот или здравјето.
Треба да се консумира во умерени количини, а ако имате чувствителен стомак, консултирајте се со вашиот лекар.
