Светската здравствена организација ја класифицираше варијанта Б.1.1.529 (Омикрон) како варијанта која претставува загриженост. Од таму наведуваат дека има голем број на мутации, од кои некои се загрижувачки.
Но, можат ли брзите домашни тестови да ја детектираат оваа нова варијанта на вирусот?
Професорката Линда Болд од Универзитетот во Единбург појаснува дека брзите домашни тестови го собираат протеинот од вирусот за да ја откријат неговата присутност, а не неговиот генетски состав, па затоа не можат да препознаат одредена варијанта.
Болд истакнува дека рани знаци покажуваат дека брзите тестови даваат позитивни резултати за лицата кои се заразени со омикрон варијантата, како и за други соеви на коронавирусот. Таа нагласува дека делта варијантата и понатаму е најдоминантна во Велика Британија и дека таа варијанта на вирусот, домашните тестови добро ја детектираат. Тоа покажува дека брзите тестови се исклучително корисни.
