ОМИКРОН СЕ ШИРИ: Еве кои се симптомите на новата варијаната и како да се заштитите

Новата варијанта на коронавирусот, омикрон, откриена е неодамна во Јужна Африка, а досега е детектирана во неколку држави, вклучувајќи ја Австрија, Белгија, Франција, Германија, Данска, Италија, Португалија и Обединетото Кралство. Освен во Европа, омикрон се прошири и во Азија и во Северна Америка.

Новата варијанта омикрон има над 30 мутации на S-протеинот, но научниците се уште не се сосема сигурни како тоа влијае на преносливоста и клиничката слика на пациентите. Еве како можете да се заштитите од новата варијанта на вирусот и како да ја препознаете.

СИМПТМИ НА ОМИКРОН

Прелиминарните податоци покажуваат дека омикрон варијантата предизвикува нешто поблага клиничка слика, но ќе бидат потребни и дополнителни податоци за тоа за сигурно да се потврди. Обрнете внимание на овие симптоми:

  • Грозница или температура
  • Кашлица и воспалено грло
  • Главоболка
  • Замор
  • Болки во телото и мускулите
  • Краток здив или проблеми со дишењето
  • Мачнина и повраќање
  • Пролив
  • Губење на сетилото за мирис и вкус

Ако се сомневате дека сте се заразиле, треба да се тестирате. Тестовите кои досега се користеа за детектирање на коронавирусот се чувствителни и на омикрон, па и понатаму можат да се користат.

Ако се чувствувате слабо и изморено, можете да се тестирате и со брз домашен тест кој исто така може да покаже дали сте заразени. Ако сте биле во контакт со некој кој е заболен од КОВИД-19, треба да се тестирате во период од три до пет дена од контактот, дури и ако сте вакцинирани.

 

ВАКЦИНИРАЈТЕ СЕ

Вакцината е најдобриот начин да се заштитите од вирусот. Се уште не е целосно јасно како омикрон ќе влијае на ефектот на вакцините, но гледајќи ги другите варијанти, вакцините и понатаму обезбедуваат голема заштита од смрт и хоспитализација.

Ако веќе сте прележале КОВИД-19, сепак треба да размислите да се вакцинирате. Омикрон носи низа мутации поради кои дел од луѓето веројатно ќе можат полесно да се реинфицираат, а вакцинацијата по прележувањето секако ќе ја зголеми заштитата.

Ако веќе сте биле вакцинирани, размислете за бустер доза, особено ако имате над 65 години. Бустер дозата обезбедува дополнителна заштита од инфекција и хоспитализација.

ОСНОВНИ МЕРКИ

Не треба да се заборават ниту основните епидемиолошки мерки кои се на сила од почетокот на епидемијата. И понатаму се препорачува носење маска, особено во затворени простории. Освен тоа, редовно мијте ги рацете, одржувајте дистанца и не учествувајте на поголеми собири.