Кафе, омиленот утрински пијалок кој не „буди„,, во последно време се споменува во контекст на здравјето и се нагласуваат сите предности кои ги носи на организмот, но ретко се зборува за негативните последици кои може да ги имаме ако го пиеме гладни. Секако, познавате некои кои „не може да функционираат„ додека не го испијат првото утринско кафе, а можеби и вие сте еден од нив. Такви има многу, а не се ретки ни оние кои тврдат дека без утринско кафе, најчесто на празен желудник, се немоќни, поспани, слабо сконцентрирани…
Позитивните влијанија на кафето се бројни. Но, научниците тврдат дека никако не е добро да се консумира кафе на празен желудник.
Според истражувања, особено е штетно за луѓето кои и без кафе имаат желудочни проблеми. На празниот желудник му помага во создавањето на желудочна киселина, па може да доведе до непријатности при варењето на храната. А протеините кои нема да се сварат, предизвикуваат и други потешкотити, како што се надуеност и повраќање. Затоа е најдобро пред кафе, нешто да се касне, дали парче леб или некое овошје, и така ќе ги спречите овие проблеми.
