Дебелината веќе и сама по себе е болест и ризик фактор за поголем број други, по живот опасни болести.
Со текот на годините многумина добиваат на тежина. И додека тие неколку екстра килограми можеби не изгледаат како нешто сериозно, стручњаците предупредуваат дека може да доведат до сериозни последици.
“Ако лицето не внимава, тие килограми само ќе се таложат, а со самото тоа и нивото намалување ќе биде голем проблем. А, да не зборуваме за проблемите што ги носи тежината. Од чувство на анксиозност, па до проблеми со дишењето, зачнување, срцето“, велат стручњаците.
Еве кои последици ги носи прекумерната телесна тежина:
- Полошо сетило за вкус кое доведува до прејадување
Можеби се чини дека се дебелееме токму поради тоа што храната ни е превкусна, но тоа и не е баш така. Истражувањата покажале дека обезноста ги намалува рецепторите за вкус за околу 25%. Токму затоа, луѓето конумираат повеќе храна, оти се обидуваат да доживеат ист богат вкус кој го имале претходно.
- Почести мигрени
Добивањето на тежина ги зголемува шансите за изненадна главоболка. Според Американскиот центар за мигрена, лицата со вишок килограми почесто страдаат од хронични мигрени.
- Се таложи повеќе холестерол во крвта
На телото му е потребен холестеролот за создавање на здрави клетки, но високото ниво може да го зголеми ризикот од болести на срцето. Зголемувањето на телесната тежина може да доведе и до висок холестерол и да го зголеми ризикот од таложење на масни наслаги во крвните садови. Масните наслаги го отежнуваат протокот на крв низ артериите, го спречуваат срцето да добива доволно кислорид и го намалува протокот на крв во мозокот. Се ова, предупредуваат стручњаците, го зголемува ризикот од срцев и од мозочен удар.
- Се зголемува ризикот од депресивни состојби
Според истражувањата, постои силна поврзаност помеѓу депресијата и зголемената телесна тежина. Вишокот килограми, велат научниците, има психолошки ефект и тоа предизвикува депресија, особено меѓу жените.
- Болни мускули
Зголемувањето на телесната тежина доведува до недостаток на витамин Д, кој помага телото да го абсорбира калциумот и да поттикнува раст на коските, помага во лекувањето на автоимуните болести, хроничната болка, и се бори против депресија. Лицата со недостаток на витамин Д доживуваат болки во мускулите на повеќе места на телото.
- Клетките понекогаш стануваат канцерогени
Според бројни студии, зголемувањето на телесната тежина е ризик фактор за карцином на дојка, дебело црево, хранопровод, жолчен меур, бубрези, црн дроб, желудник, простата, грло и штитна жлезда. Онколозите од Американската асоцијација за рак пресметале дека дебелината е причина за 4% од случаевите на рак со тенденција на раст оти се зголемува бројот на лица со прекумерна телесна тежина.
