Протеините се најважна хранлива состојка затоа што влегуваат во состав на секоја клетка во организмот, а косата и ноктите се главно изградени од протеини кои нашето тело ги користи за да ги изгради оштетените ткива. Диетите богати со протеини се популарни во светот на фитнесот во последните години затоа што протеинот помага во изградбата на мускулите и ги согорува мастите. Протеините прават подолго да се чувствуваме сити и менуваат многу хормони кои ја регулираат тежината.
Вообичаени извори на протеини се месото и млекото, но постојат и некои намирници кои се вегански и се алтернатива за овие намирници, а станува збор за гравот, сојата и киноата.
Препорачана дневна доза протеини се 50 г, но некои научници тврдат дека луѓето можат да консумираат и поголеми количества.
Протеините го намалуваат нивото на хормонот грелин кој е задолжен за чувството на глад. Доколку за појадок внесете протеини ќе спречите шеќерот во крвта да скокне нагло, а тоа е добро за сите оние кои имаат дијабетес. За да ослабете и да ја избалансирате исхраната, потребно е во секој момент да сте свесни за тоа што се случува околу вас. Почнете да уживате во мирисот, вкусот и текстурата на храната која ја јадете.
Издвојте доволно време за да јадете полека и добро да ја џвакате храната. Свесноста додека јадете придонесува за тоа да не се прејадувате, туку да јадете со уживање и токму онолку колку што ви е потребно.
