Диетата со место е многу едноставно уредена, со јасни и категорични правила – дозволено е да се консумираат единствено продукти од животинско потекло и се исклучува се што е раститетелен производ. Станува збор за монодиета, која е лесна за следење и не бара да броите калории.
Развиена е од д-р Шон Бејкр кој тврди дека внесувањето на протеини и масти е доволно за организмот да функционира правилно, па дури и да стане поздрав. Според него, диетата со месо води до намалување на воспалителните процеси во телото, закајнување на имунитетот и подобрување на концентрацијата, како и до зголемување на нивото на тестостерон.
Дозволени и забранети продукти во диетата со месо
Основно правило на месната диета се помни лесно – обидете да консумирате што е можно повеќе месо. Дозволени се продукти како млеко, сирење, јајца, но акцентот е ставен на внесот на месо и на риба. Менито треба да се состои основно од црвено месо и риба како сардина или лосос (бидејќи содржат повисок процент на корисни масти). Дозволено е и консумирање на бујон од месо, суви зачини и кафе.
Овој режим на исхрана исклучува продукти од растително потекло, овошје, зеленчук, зрнеста храна, јаткасти плодови, варива.
Еден поголем дел од нутриционистите и диететичарите ја отрфлаат месната диета и ја карактеризираат за екстремна и небалансирана. Исклучувањето на растителните продукти за нив, означува недостих на растителни влакна, што може да ја наруши функцијата на дигестивниот систем и елиминационата функција на телото.
Освен тоа постои ризик за зголемување на нивото на холестерол и следствено на тоа, можни се проблеми со срцето. Тие потенцираат и дека по завршувањето на диетата, веројатноста да се вратат изгубените килограми, па дури и да се зголемат е многу голема.
