Нашиот мозок, секако, дека не е мускул, но сепак и него можеме со вежбање да го набилдаме. Фитнесот за мозок не е само добар виц, бидејќи повеќе научни студии покажуваат дека на нашите сиви мозочни клетки им треба и сакаат предизвици и секојдневен тренинг. Со таквите вежби можеме да го зголемиме менталниот капацитет, па да заблескаме во важна ситуација, како испит на факултет, деловен разговор, друштвени квизови…
Претераните дози на стрес, алкохол и цигари му штетат на мозкот. Не му годат, ниту рутинските задачи кои ги завршуваме автоматски, без размислување. Затоа, одредени прехранбени продукти и секојдневна активност која ги активира неговите клетки и тоа како му одговараат. Доколку сакаме да го доведеме во фит форма и таков мозокот да го одржуваме со години, мораме правилно да го храниме и да го тренираме.
На мозокот му се потребни маснотии (но не какви било, туку незаситени масни киселини, посебно омега-3), белкови (попрецизно аминокиселини), шеќери (по можност сложени јаглехидрати), како и витамини и минерали со антиоксидантни својства. Како корисни минерали за нашиот мозок се сметаат калиумот и калциумот. Меѓу витамините посебно се издвјуваат оние со антиоксидантни својства, а тоа се витамините А, Ц и Е.
На неговата форма максимално придонесува и секојдневното усвојување и проверка на нови знаења, учење странски јазик, решавање крстозборки или судоку, играње шах.
Откако ќе го нахраниме, мозокот треба и да го активираме. Можеби прошетката низ природа не ви звучи као голем ангажман за мозокот, но според лекарите има голем удел кога станува збор за негов тренинг.
Од една страна, прошетката не ослободува од стресот, а, од друга страна, не обезбедува со кислород неопходен за работа на сите, па и на мозочните клетки. Додека пешачиме размислуваме за тоа по кој пат некаде ќе стигнеме, донесуваме одредени одлуки, се соочуваме со непознати ситуации или поинаку речено го тераме мозокот да се напрега и да остане во форма.
Само со мала промена на рутата по која секојдневно одиме или се враќаме од работа може да се постигне истиот ефект. Секоја нова или невообичаена работа (дури само промена на раката со која четкаме заби) претставува предизвик за мозокот. Мозокот може и поактивно да се тренира, како на пример, тестови на забележување додека со возиме во автобус или пиеме кафе. Доволно е 10 секунди внимателно да гледаме некој предмет, личност или простор, потоа да го тргнеме погледот и да настојуваме да се сетиме како точно изгледал. Добра вежба е и учењето напамет на содржини кои веќе еднаш сме ги прочитале, како цени во маркет, на пет до десет артикли за иста намена.
