Жените во 30-тите години од животот често се фокусирани на превенција од стареењето, на одржување на добро здравје во текот на бременоста, како и на зголемување на енергијата. Одредени витамини и минералини помагаат да стигнеме до саканата цел, па добро е да се зголеми нивниот внес во организмот.
Витамин Б9 (фолна киселина)
Жените кои планираат бременост би требало да го зголемат внесот на фолна киселина или витамин Б9 во организмот. Сите жени по 19-тата година треба да консумираат на дневна основа барем 400 микрограми фолна киселина, а трудниците барем 600 микрограми.
Витамин Д и калциум
По 30-тата година, секоја жена треба да почне да размислува за превенција на болестите како остеопороза која ги слабее коските, Токму затоа, важно е да се почне навреме со потребната количина калциум. Стручњаците препорачуваат на жените под 50 години внес од 1 000 мг калциум секој ден, додека трудниците и доилките треба да консумираат од 1 200 до 1 500 мг од овој важен минерал. Калциумот најчесто оди во комбинација со витаминот Д кој ја зголемува неговата апсорпција.
Витамин А и Ц
Постојат некои витамини кои го забавуваат процесот на страеење, но и го штитат телото од слободните радикали кои допринесуваат за развој на бројни болести на модерното време. Токму затоа, секој ден треба да внесуваме барем 15 мг витамин Е кој го зајакнува имунитетот, но има и ефект против стареење. Корисно е да се зема најмалку 75 мг витамин Ц дневно кој помага во апсорпцијата на витаминот Е и го намалува ризикот од срцеви заболувања.
Железо
Железото е важен минерал за женското здравје, а особено за дамите по 30-тата година кои имаат силни крвавења за време на месечниот циклус или кои се бремени. Недостигот на железо во телото предизвикува замор, ги зголемува жансите за добивање инфекции и го спречува телото да ја одржува нормалната телесна температура. Жените минимално би требало да внесуваат 18 мг железо дневно, а жените кои се бремени околу 27 мг. Треба да се напомене дека витамините А и Ц ја олеснуваат апсорпцијата на железото во организмот, па е добро да се комбинираат со овој важен минерал.
Магнезиум
Неконтролирано ви се грчат мускулите? Често сте уморни? Можеби на телото му недостасува магнезиум. Овој важен минерал ги регулира контракциите на мускулите, го регулира правилното отчукување на срцето и работата на штитната жлезда. Секој ден треба да внесувате 350 мг магнезиум, додека трудниците 100 мг повеќе. До недостиг на магнезиум во телото се јавува кај лица кои пијат многу алкохол, кафе или прекумерно внесуваат шеќери.
