Живееме во време во кое работата претежно ни е врзана за столче, по што се чувствуваме уморно. Заради неакивноста се попрогресивно влгуваме во проблеми кои можат да не чинат здравје. Несвесно стануваме кандидати за на лекар. Мошне често проблемите настанати заради неактивност може да се решат со третманите на физикална терапија. Физикалната терапија лекува или макар ги санира спортските повреди, но и оние кои се неактивни се потенцијални кандидати за неа. Зборуваме за болести кои можат да се последица на неактивноста. Макар за оние болести врзани за мускулите, тетивите и коските.
Спондилоза
Како резултат на дегенерациите во ’рбетот заради неактивност може да се јави проблем наречен спондилоза – таканареченото „трошење“ на ’рбетниот столб заради непрестано седење во неприродна положба. Работата на компјутер е честа причина за трошење на ’рбетот сосе пршлените. Заради неправилна положба на ’рбетот настанува болест на новото доба. Болките се јавуваат во вратот, рамената и раката, а често се јавува проблем со трнење на раката. За разлика од оваа таканаречена цервикална спондилоза, постои и лумбална спондилоза, која настанува како последица на напрегање и оштетување на пршлените од долниот дел на ’рбетот. Болките некогаш се здодевни и неподносливи, а решение се акупунктурата, масажите или физиканата терапија.
Смрзнато рамо
Вкочането или смрзнато рамо настанува како последица на неактивност, но неговите вистински причини речиси и да не можат да се објаснат. Како непосредна последица на неактивноста настануваат дијабетесот, пореметувањата на работата на жлездите и сл. Смрзнатото рамо се случува како еден од придружните симптоми, а симптомите се најчесто болка во рамото и во состојба на мирување и во состојба на движење на рамото. Иако не е потврдено дека неактивноста е главна причина за ова пореметување, сепак би требало да го активирате организмот, макар со возење велосипед, пливање или трчање. Во тој случај ризикот од болести доста се намалува.
Тениски лакт
Тенискиот лакт е колоквијален назив за оштетувањето кое настанува како резултат на незгодно и постојано оптоварување на мускулите. Иако се јавува кај луѓето кои не играат тенис, ова му е широко прифатен назив. Често ова е болен синдром кој ги зафаќа мускулите сместени околу лактот, а може да последица од чукање на тастатура и постојан притисок на лактот. Болеста може да се лекува со физикална терапија, а заради повременото трнење некогаш се случува да не може да се идентификува. Доколку ги забележите овие симптоми појдете на лекар.
Болка во крстот
Од постојано седење речиси секогаш се случува да дојде и до болка во крстот. Не залудно се советува кога и да е возможно подобро е да се стои или лежи отколку да се седи. Постојаното седење може да направи голем притисок на лумбалниот дел од ’рбетот, па како главна последица се јавува болка во крстот. Тоа може да доведе до низа други проблеми, па се препорачува масажа како метод за отстранување на болката во крстот. Редовно прегледувајте се затоа што заради занемарено здравје може да „влезете“ во нерешливи проблеми, како дискус хернија во лумбалниот или вратниот дел од ’рбетот.
Совет плус: Активирајте се, можете да го спасите телото! Уморот и фактот дека работата ви бара седење не се изговор после работно време да не тренирате или макар да прошетате!
