Во раниот стадиум на мултиплекс склероза може да се појават замор, губење на силата (мускулна слабост во еден или повеќе екстремитети), трнење, вкочанетост, болка, намалување на острината на видот или “мешање“ на боите, двојна слика, нестабилност во одот, вртоглавица, отежната координација на движењата, тремор (тресење), пречки во контролата на мокрењето и столицата, отежната концентрација, анксиозност…
Симптомите често “доаѓаат и поминуваат“ за неколку дена, па многу болни на почетокот на болеста не бараат медицинска помош.
Сложена дијагностика
Мултиплекс склерозата (МС) е хронична воспалителна и дегенеративна болест на средишниот нервен систем, а оштетувањата може да го зафатат мозокот и ‘рбетниот мозок. МС ги оштетува миелинските обвивки кои пренесуваат импулси, односно надразнувањата помеѓу нервните клетки. На местата на исчезнување на миелинските обвивки се создаваат лузни кои се нарекуваат склероза, плак или лезија. Таквите лузни предизвикуваат разновидни, горе споменати симптоми, а како болеста зема замав, телесните функции може да се влошат до тежок инвалидитет.
Симптомите се разликуваат од човек до човек, зависно од тоа кој дел од средишниот нервен систем најмногу е погоден од оштетувањето, па болеста нема никаков “обрзец“ по кој лесно може да се препознае.
Во дијагностицирањето најмногу помага анализа на ликворот (течност која го обвива мозокот и ‘рбетниот мозок), како и магнетна резонанца на мозкот и/или на ‘рбетниот мозок со чија помош моѓе да се видат воспалените делови и оштетувања на миелинските обвивки.
Причинителите на мултиплекс склерозата се непознати, но се смета дека станува збор за автоимуна болест при која организмот по грешка произведува антитела кои ги напаѓаат миелинските обвивки. Се смета дека појавата на оваа болест може да биде поттикната и од наследната склоност, стресот, неправилната исхрана и влијанието на околината.
МС може да се појави на било која возраст, но најчесто тоа е помеѓу 20. и 45. година. Жените заболуваат два до три пати почесто од мажите.
