Tерапиите врз база на матични клетки може да ги ублажат симптомите на мултиплекс склероза, е наведено во меѓународно истражување, кое било спроведено со учество на 100 пациенти со мултиплекс склероза.
Досега биле спроведени истражувања во болниците во Чикаго, Шефилд, Упсала и Сао Паоло, а биле користени матични клетки добиени од крв и коскена срцевина на самите пациенти.
Лекувањето започнувало со потиснување на дејствувањето на имунолошкиот систем со помош на хемотерапија. Потоа одбранбениот систем на организмот се „покренувал“ со помош на трансплантирани матични клетки.
По спроведените терапии, сите учесници во истражувањето биле следени уште три години.
По споредбата на податоците добиени од пациенти, кои биле лекувани со најдобрите конвенционални лекови, научниците од Универзитетот Нортвестерн во Чикаго, потенцирале дека матичните клетки се покажале значително поефикасни во лекувањето на мултилекс склерозата.
