Песни кои се напишани за да се намали стресот, крвниот притисок и да ги забават отчукувањата на срцето, се покажале ефикасни во 157 случаи во текот на истражувањето. Пациентите рекле дека сами сакаат да одберат музика која ги смирува.
Научници од Универзитетот Пенсилванија, сакале да утврдат на кој начин музиката влијае на чувствата на пациентот.
Оние кои се согласиле да учествуваат во експериментот добивале лек од групата на бензодиазепини со опуштачки ефект, или лекарите по три минути им ја пуштале песната “Weightless” на британската група Marconi Union додека добивале анестетик.
Се покажало дека анксиозноста и кај двете групи на пациенти се намалила. Важно е да се напомене дека анксиозноста пред операција влијае на опоравување, оти телото произведува хормони на стрес.
Но, лековите за намалување на анксиозноста обично имаат нуспојави, поради што е потребно да се земаат под лекарски надзор, потсетиле американските научници. Наспроти тоа, музичката медицина е всушност “безопасна и евтина„.
Д-р Вина Граф, професорка по анестезија и интензивна нега на овој универзитет рекла дека музиката влијае на делот на мозокот задолжен за емоции. Тоа значи дека пациентите може да бидат “во свој свет“ да може да бидат опуштени, и да имаат целосна контрола.
