Музиката има позитивно влијание на мозокот, тоа е докажано со бројни истражувања, а некои од нив покажале дека слушањето и свирењето музика го подобруваат протокот на крв во сите делови на мозокот кои се вклучени во процесот на говор.
Најновите пак истражувања покажале дека слушањето музика и повеќе го мотивира мозокот за учење, така што ги стимулира невролошките врски поврзани со процесот на обработка на информациите.
Исто така, резултатите покажале дека музичките тренинзи влијаат дури и на контролата на вниманието. Научникот Пауло Бараза од Универизтетот во Сантијаго, заедно со својот тим спровел истражување во кое ги споредил музичарите (пијанисти кои со тоа се занимаваат веќе 12 години) и лица кои никогаш не се занимавале со музика.
Двете групи решавале ист тест на внимание во кој научниците со брзо темпо им менувале слики пред нивните очи, и мереле колку на мозокот му е потребно да регистрира промена на слика.
