Слушањето музика која опушта пред спиење овозможува подлабок и поквалитетен сон. Музиката му помага на човекот полесно да потоне во сон, а со самото тоа и да „заборави“ на проблемите со кои заминал на спиење. Благодарение на музиката квалитетот на сонот се подобрува за дури 40 отсто.
Освен тоа, колку за пример, оние кои ’рчат може да се случи да престанат, а вознемирените опуштено да потонат во сон, нагласуваат стручњаците од Универзитетот во Охајо.
Врз основа на добиените резултати, научниците препорачуваат методот на слушање музика да се воведе и во болниците, особено за пациентите кои трпат силни болки. Тврдат дека на тој начин личностите со пореметување на сонот би одбегнале бројни последици од кои најчести се мака, депресија, сериозна анксиозност, иритабилност, чувствителност на болка, треперење на мускулите.
