Словенечки лекар, вработен во Клиничкиот центар во Марибор, повторно се заразил со новиот коронавирус, откако претходно бил вакциниран со две дози вакцина, потврдија вчера од втората по големина болница во Словенија.
Реинфекцијата е можна оти ниту една вакцина не е сто процентно ефикасна, а по потврда за инфекција со ПЦР тест, превземно е се по предвидениот протокол. Лекарот неодамна се вратил од Африка, па се претпоставува дека можеби се инфицирал со позаразниот јужноафрикански сој на вирусот, што не е докажано.
Според експертите во Словенија, за секвенционирање на геномот на вирусот и потврда на сојот, потребна е најмалку една седмица, а во оваа земја досега не е забележан ниту еден случај на јужноафриканската варијанта.
Анализата за можна присутност на варијанта, односно нови соеви се прави со издвојување на десет проценти позитивни примероци од ПЦР тестирањата, а досега се потврдени вкупно 35 случаи на британскиот сок, а ниту еден случај на јужноафриканскиот или бразилскиот, па се претпоставува дека во Словенија, новите варијанти на вирусот се се многу проширени.
