Љубовта дефинитивно грее, а тоа го докажале дури и научниците. Тие тврдат дека емоционалната состојба е одговорна за тоа колку студ чувствуваmе и дека зад сето се кријат сложени хемиски процеси.
Значи, ако немате некого кого го сакате, просториите ќе ви се чинат постудени, а морници ќе ви поминуваат по целото тело. Дека има вистина во ваквите метафори со кои се служат поетите од дамнина, тврдат и научниците од универзитетот Пурду во Холандија. Тие во експеримент со помош на компјутерско следење на волонтери докажале дека осамените луѓе во просек имаат пониска телесна температура.
Освен тоа, осамените се чувствителни и на температурните промени, па ќе им биде многу постудено отколку на среќно вљубените и друштвено задоволните луѓе ако од топла просторија излезат на ладно.
Тоа чувство на студ не е само субјективно, а иако процентуално е мало – може да се мери, објасниле научниците. Сепак, тие не се сигурни дали постои конкретно објаснување зошто на осамените им е поладно.
„Еволуционите психолози сметаат дека силните социјални врски меѓу родителите и детето или љубовните партнери влијаат на луѓето така што „психички ги греат“. Бидејќи мозокот управува со телото, така и емоционалниот студ е резултат на вистинската физичка состојба“, појасниле авторите на студијата.
