Астмата претставува хронично воспаление на дишните патишта кое се карактеризира со различни повторувачки симптоми, реверзибилна опструкција и бронхоспазам. Во оваа состојба дишните патишта се воспалени и чувствителни и бурно реагираат во време на настинки, вирусни инфекции или при контакт со активаторите на астма.
-
Астмата се карактеризира со специфичен свиреж во градите, отежнато дишење, стегање во градниот кош и кашлање, особено во текот на ноќта или во раните утрински часови
Астмата главно се јавува за време на настинки или за време на изложување на надворешни загадувачи како што се, на пример, чадот од цигарите, јаки мириси или респираторни алергени – грини, полен, животински влакна и слично.
Отежнатото дишење за време на нападите на астма и свирењето во градите може да поминат спонтано или по употреба на лекови кои ги шират дишните патишта. Но треба да се има на ум дека и храната игра клучна улога во борбата против астмата. Еве дел од намирниците кои се препорачуваат:
Екстра девствено маслиново масло – го намалува ризикот од астма.
Овошје и зеленчук (органски) – особено она кои е богато со витамин Ц, витамин Е, селен, бета-каротен и флавоноиди.
Риба богата со омега-3 масни киселини, како што е лососот, туната, сардина и бакалар. Консумацијата на риба богата со омега-3 масни киселини ги ублажува нападите на астма.
Ленено семе и ореви – исто така, помогаат при ублажување на астмата, бидејќи и тие се богати со омега-3 масни киселини.
Рузмарин, жалфија, оригано и нане – содржат киселина, антиоксидант, кој го намалува насобирањето на течности во организмот и надуеноста за време на алергиски напади, помага при отворање на дишните патишта и е ефикасен природен антихистамин.
Куркума и ѓумбир – содржат важни фитонутриенти, кои го прекинуваат активирањето на биолошките соединенија поврзани со воспалителните болести како што е астмата.
Лековити билки – тимијан, тегавец, бел слез, анасон.
Совети за заштита од астма
- Исхраната на астматичарите треба да се базира на свеж зеленчук и овошје, јаткасти плодови и семиња и житарки со цели зрна (треба да се даде предност на овесот и интегралниот ориз).
- Рафинираниот шеќер треба да се избегнува во исхраната.
- Лукот и кромидот треба да бидат вклучени во вашето мени. Овие намирници содржат супстанции, кои го блокираат ензимот одговорен за ослободување на проинфламаторни молекули.
- Препорачливо е да се јаде неколку пати на ден, помали оброци.
- Треба да се одбегнуваат исклучително ладни пијалаци бидејќи истите може да ги иритираат бронхиите и да предизвикаат напад на астма.
- Прополисот може да биде од корист за астматичарите, затоа што делува смирувачки
- Доколку кај астматичарите има сомневање и за алергија на храна или одредени намирници ја влошуваат состојбата на болеста, треба да се спроведе елиминациска диета, односно да се исфрлат од исхраната намирниците кои ги влошуваат симптомите.
- Препорачливо е да се избегнуваат прехранбени сулфитни адитиви бидејќи овој тип на адитиви може да им пречи на пациентите со астма.
