Проф. д-р Дејан Докиќ: Улога на алергените кај атопискиот дерматитис (3)

Први алергоалергени што се асоцирани со АД се полените.

Разни органи што се изразени во одреден животен период подоцна се повлекуваат и се заменуваат со симптоми од други органи, како што е тоа случај со единиците кога маршираат во некоја воена парада. Вообичаено, кожните манифестации на атопискиот дерматитис (АД) го претставуваат почетокот на атопискиот марш. Кај околу 50 % од пациентите со АД (посебно со тежок АД) се развива астма, а кај приближно 66 % се развива алергиски ринитис. Истражувачите во претходните набљудувања на позвразноста на АД со другите атописки заболувања ја откриле улогата на различните алергени како етиолошки фактор во настанувањето на овие болести.

Пишува: Проф. д-р Дејан Докиќ, специјалист по пулмологија и алергологија

                                            Алергоалергени

Први алергоалергени што се асоцирани со АД се полените. Поленот од амброзија е од посебен интерес, така што лекарите упатуваат на случаи на сезонско влошување на АД и на неговото исчезнување во период кога не цвета амброзијата. Во 1950-тите години Туфт извел интраназална провокација со полен од амброзија кај пациентите со АД и забележак ринореја и чешање на засеганата област на кожата кај овие пациенти. Неодамна, истражувачите констатирале позитивни prick и patch кожни тестови на општи полени кај пациентите со сезонска дистрибуција на АД. Во едно истражување, кај 90 % од тестираните деца со АД користејќи епикутан patch-тест се јавиле егзематозни лезии на едно или повеќе пределекциони места за АД кога децата биле тестирани со домашен прав, лебарки, мувла и смеша од треви. Пациентите со АД кои имале влошување на болеста за време на сезоната на цветање на брезата, имале позитивна кожна реакција на полен од бреза.

Алергените на мувла, исто така, се имплицирани како причински фактор кај пациентите со АД.

Туфт индуцирал симптоми на дерматитис кај пациентите по нивната инхалаторна провокција со Alternaria што не било случај кога истите тие пациенти биле провоцирани со полен од бор. Рајка, исто така, покажал дека кај двајцата од пет пациенти со АД се јавуваат егземни лезии после вдишување на екстракт од мувла.

Клучни карактеристики на патогенезата на АД:

  • Непосредната хиперсензитивност може да биде клучен фактор во патогенезата кај најголемиот број на пациенти.
  • Влошувањето на состојбата е поврзано со контакт со аероалергени или со храна на која што пациентот е алергичен.
  • Голем број пациенти имаат IgE – посредувана алергиска реакција на микроорганизми кои живеат на нивната кожа.
  • Неимунолошки фактори, како што се климата и неспецифични иританси можат да имаат улога во патогенезата на АД.

                                                                                                         (Продолжува)