Расправиите се неизоставен дел од секој брак, како кај оној кој можеби нема долго да трае, така и кај оној каде сопружниците се опкружени со љубов. Но, начинот на кој се караме влијае на тоа кои болести може да се развијат во понатамошните години од животот.
На Универзитетот Нортвестерн спроведена е студија во која биле анализирани податоци за паровите собирани 20 години. Психолозите ја проучувале динамиката на односот на долгогодишните парови и брачни партнери, односно начинот на кој се караат и како тоа влијае на нивното здравје.
„Ги следевме брачните конфликти кои траат 15 минути и се обидовме да предвидиме кои здравствените проблеми брачните партнери ќе ги развијат во период од 20 години. Тоа се обидовме да го откриеме од нивното емоционално однесување за време на кавгите„, вели авторката на студијата Клаудија Хас од Универзитетот Нортвестерн.
„Конфликтите се случуваат во секој брак, но луѓето на различни начини се носат со нив. Некои експлодираат, некои се повлекуваат. Студијата покажа дека различните емоционални реакции на кавгата, долгорочно носат различни здравствени последици„, додава таа.
Во студијата учествувале 156 хетеросексуални парови кои се повеќе децении во брак. Научниците ги снимале, а потоа го анализирале нивното однесување и изразот на лицето. Експериментот почнал во 1989 година. Учесниците во студијата сега се лица на 60 и 70 години.
Научниците го бележеле изразот на лицата, стискање на усните за време на кавгата, напнатоста, вратните мускули и контактот со очите (се она што не доаѓа во прв план за време на конфликтот). Партнерите кои пламнуваат за време на караницата во подоцните години од животот имале висок притисок, страдале од болки во градите и имале кардиоваскуларни проблеми. Оние кои се повлекувале во расправијата и оние што избегнувале контакт со очите во подоцнежните години од животот страдале од болки во грбот, вкочанет врат и проблеми со мускулите.
„За време на годините истражување сфативме дека негативните емоции негативно влијаат на здравјето, но оваа студија откри дека специфичните негативни емоции предизвикуваат специфични здравствени проблеми„, заклучува постриот автор на истражувањето, психологот Роберт Левенсон.
