Баш како и во секој аспект од животот понекогаш е навистина тешко да се распознаат лагите од вистината, па многу жени го поминуваат животот верувајќи во целосни измислици, што никако не би требало да биде случај кога се работи за интимното здравје.
Ова се некои од најголемите митови за вагината:
Преголем пенис може да ја „растегне“ вагината
Вагината е сочинета од исклучително растегливо ткиво кое е поврзано со хоризонтални мускули во каралицата. И додека кога, на пример, ставате тампон ви изгледа прилично плитка, за време на возбудувањето се шири и се создава доволно простор и за поголем пенис. Вагината, исто така, го менува својот облик за време на циклусот, а колку е растегливо вагиналното ткиво најдобро говори фактот дека може да се врати во првобитниот облик после породувањето.
Редовниот секс ги опушта вагиналните мускули
Уште една лага во која веруваат многумина. Мускулите во вагината се опуштаат за време на секс, но потоа повторно се стегаат и нема трајни последици, без оглед на тоа колку секс практикувате. Она што навистина може да влијае на опуштањето на мускулите од вагината е менопаузата, заради падот на нивоата на хормонот естроген што директно влијае на намалувањето на еластичноста на вагиналното ткиво.
Стегнатите вагинални мускули предизвикуваат поголемо сексуално задоволство
Како за кого. Ова правило можеби важи за мажите, но жените кои за време на сексот имаат стегнати вагинални мускули во тоа очигледно не уживаат. Кога жената е сексуално возбудена, вагината сама по себе се шири додека стискањето на мускулите е знак дека жената не ужива, односно дека не е потполно опуштена.
Мускулите на карлицата може да се зајакнат со вежбање
За разлика од претходните митови, овој е вистинит. Постојат низа вежби со чија помош можете да ги зајакнете опуштените мускули на карлицата и да имате „фит вагина“. Ако сте го гледале „Сексот и градот“ тогаш сигурно сте чуле за Кегеловите вежби кои ги прослави Саманта, но постојат уште методи за зајакнување на вагината.
