Многу видови на овошје и на зеленчук природно го намалуваат притисокот, ова се неколку испробани комбинации кои поволно и брзо делуваат на подобрување на оваа стсојба.
Комбинација 1: целер, морков, цвекло
Натриум хлоридот (сол) го зголемува крвниот притисок, но природниот натриум од целерот не делува на зголемување, туку напротив го намалува притисокот. Можете да пиете сок само од целер, а можете да го измешате со морков и цвекло. Цвеклото, исто така, помага во нормализирање на притисокот.
Совет: Во соковник исцедете сок од 3 стебла целер и еден помал морков. Сокот од цвекло додадете го повремено во оваа комбинација.
Комбинација 2: спанаќ, магдонос, морков
Хлорофилот од спанаќот и магдоносот ја чисти крвта, а во комбинаија со морковот кој делува како антиоксидант, овој сок кога редовно се пие помага во намалување и регулирање на крвниот притисок.
Совет: Направете сок од полна шака спанаќ, еден морков со средна големина и шака магдонос.
Комбинација 3: диња, лук, праз, лимон или јаболка
Дињата е богата со вода и калиум кои се ефикасни во намалување и одржување на нормален крвен притисок. Лукот и празот делуваат како антикоагуланти (ја разредуваат крвта и спречуваат создавање на грутки). Додадете и едно зелено јаболко или четвртина лимон за подобар вкус.
Совет: Направете сок од четвртина диња, 2-3 чешниња лук или праз.
Комбинација 4: лута пиперка, лук, магдонос, лимон
Лутата пиперка е могу здрава, но кога се консумира со друг зеленчук или билков зачин, ефектите врз здравјето се зголемуваат.
Совет: Направете сок од 1-2 лути пиперки (црвени, жолти или портокалови), 2 чешниња лук и китка магоднос. Додадете сок од половина лимон, на тој начин ќе го подобрите вкусот.
