Една од најздравите намирници е, секако, маслиновото масло. Не само што содржи антиоксиданти и масти кои се добри за срцето, туку има и примамлив вкус. Кои се најчестите грешки кои се прават при неговата употреба во исхраната?
- Пластична и проѕирна амбалажа
Најголем непријател на маслиновото масло е пластичната, но и проѕирната амбалажа. Штом воздухот и светлината дојдат во контакт со маслиновото масло, тоа губи на квалитет и почнува да се расипува. Поради ова, шишињата треба да бидат потемни, најдобро темнозелени.
- Изложеност на топлина
Штом маслиново масло е изложено на сонце или е во близина на шпорет – тоа не е добро и му го уништува квалитетот. Полифенолите се разградуваат и се губи убавината на вкусот. Најдобро е да се чува во остава.
Маслиновото масло треба да се искористи во рок од две години. После тоа, го губи вкусот и квалитетот
- Оценување на квалитетот на маслото според бојата
Многу често луѓето го оценуваат квалитетот на маслото по бојата, но бојата само покажува кога се маслинките набрани и кога е маслото цедено. Затоа нека не ве обесхрабруваат варијациите во боја.
- Избирање еден тип на масло
Меѓу различните понуди и цени, купувачите обично избираат масло со средна цена, мислејќи дека е добро и за готвење и за салати. Меѓутоа, експертите советуваат дека покрај ова масло, дома треба да имате и поквалитетна варијанта која ќе го извлече најдоброто од салатите и пастата.
- Готвење на превисоки температури
Готвењето на превисоки температури може да ги уништи антиоксидантите и да го промени вкусот на маслото. Затоа, не користете маслиново масло на температура повисока од 180 степени.
- Предолго чување
Маслиновото масло треба да се искористи во рок од две години. После тоа, го губи вкусот и квалитетот.
