Помлади лица кои доживеале срцев удар (миокарден инфаркт) почесто пушат, имаат прекумерна телесна тежина и имаат висок крвен притисок или дијабетес во однос на своите врсници, укажува нова студија што ја објави Европското здружение за кардиологија.
Исто така, се покажало дека, иако семејната историја е поврзана со преран срцев удар, таа не е единствениот ризик фактор.
Се смета дека овие резултати ја нагласуваат важноста на спречување на пушењето и прекумерната телесна тежина кај децата и адолесцентите за да се намали веројатноста од срцеви болести подоцна во животот.
Резултатите даваат и поттик на аргументот дека младите луѓе треба да се едуцираат за тоа зошто е важно да се избегнува пушењето и да се има здрава телесна тежина.
Треба да се истакне дека хипертензијата најмногу го зголемува ризикот од срцев удар на возраст од 45 години или помалку и тоа за дури 85 пати.
