Студијата на Корејската агенција за контрола и превенција на болести (KDCA) спроведена во декември минатата година на 67.200 потврдени слуачи на инфекција покажала дека тежината на болеста и стапката на смртност од омикрон во просек изнесуваат 0,38%, односно 0,18% во споредба со 1,4% и 0,7% за случаевите на инфекција со делта.
KDCA тешките случаи ги класифицирала како лица хоспитализирани во одделите за интензивна нега.
Околу 65 проценти од 1073 лица кои починале во текот на последните пет недели биле невакцинирани или примиле самоо една доза вакцина, покажала студијата, а 94% од смртните случаи се однесува на лица на возраст од 60 или повеќе години.
Повеќе од 86 проценти од 52 милиони жители на Јужна Кореја се вакцинирани со две дози вакцина, а речиси 60 проценти примиле и дополнителна или бустер доза.
Во Јужна Кореја е евидентирана релативно ниска стапка на потешки случаи на КОВИД-19 и смртни исходи благодарение на раширените мерки за физичко дистанцирање и многу остри мерки на тестирање и следење на ширењето на заразата.
Омикрон варијантата резултирала со пораст на бројот на случаи на инфекции. Минатата недела дневниот број на новозаразени случаи го надминал рекордниот од 100.000, но властите сепак одлучиле постапно да ги ублажуваат мерките на физичко дистаницрање поради пониската стапка на смртност, а една од причините се и претседателските избори кои ќе се одржат идниот месец.
Барањето на контакти и задолжителната изолација за вакцинираните лица е укината, а воведени се и самодијагноза и лекување дома за да се олесни работата на медицинскиот персонал.
Во извештајот на KDCA се наведува дека во третата недела од јануари омикрон варијантата станала доминантна варијанта во земјата и дека до првата недела од февруари омикрон варијантата преовладувала кај 90 отсто од населението.
