За само три месеци, омикрон стана доминантна варијанта на коронавирусот во светот. Новата варијанта е одговорна за поголемиот број на новозаболени со КОВИД-19 и на почетокот предизвика голема паника. Олеснување донесе сознанието дека новата варијанта не доведува до тешки симптоми, какви што предизвикуваше делта и останатите претходни соеви, поради што ризикот од хоспитализација и смрт е помал.
Симптомите на омикрон се слични со симптомите на обична настинка и главно се однесуваат на течење на носот, болка во телото, болки во градите, замор и главоболка.
Според една британска студија, главоболката е меѓу првите пет симптоми што се јавуваат кај заразените со омикрон. Главоболка инаку се јавува кај луѓето секојдневно од различни причини, но онаа што ја предизивкува омикрон е специфична. Се работи за трајна главоболка која често е проследена со други симптоми како што се течење на нос, болка во грлото и замор. Ова се три специфичности по кои оваа главоболка се разликува од другите.
УМЕРЕН СО СИЛЕН ИНТЕНЗИТЕТ
Интензитетот на главоболката зависи од нејзиниот тригер. Може да биде блага ако е предизвикана од работен притисок и може да биде сериозна ако е предизвикана од мигрена. Во случај на инфекција со омикрон, главоболката главно е умерена до силна. Се чувствува како пулсирање, притискање или убод, што е невообичаено во случај на општа главоболка. Освен тоа, главоболката предизвикана од омикрон варијантата трае и до три дена, дури и ако редовно земате лекови против болка.
СЕ ЈАВУВА ОД ДВЕТЕ СТРАНИ
Ако некогаш сте обрнале внимание, понекогаш главата ве боли само на едната или на еден дел. Подрачјето на болка при главоболка зависи и од предизвикувачите (тригерите) на вашата главоболка. Кога станува збор за инфекција со омикрон, болката може да се почувствува на двете страни на главата. Целата глава може да ви биде напната и болна.
ЧЕСТО ПРОСЛЕДЕНА СО ВОСПАЛЕНИЕ НА СИНУСИТЕ
Според мислењето на стручњаците, главоболката во случај на омикрон може да биде воспалителна реакција на телото додека се бори со вирусот. Како што вирусот се размножува во респираторниот систем, тој влијае и на синусите, што доведува до воспаление. Значи, главоболката обично се јавува со воспаление на синусите. Ако страдате од проблем на синусна инфекција, вашата главоболка може да биде полоша.
