Освен што намалувањето на бројот на сперматозоиди може да влијае врз способноста на мажот да има деца, тоа, исто така, може да биде поврзано и со различни здравствени проблеми, покажала студијата, спроведена во Италија во која учествувале 5 200 мажи, чии резултати биле објавени на Годишната средба на Здруженијата на ендокринолози.
Резултатите покажале дека мажите со намален број на сперматозоиди имаат 1,2 пати поголема веројатност да имаат зголемен холестерол и хипертензија, а пониско ниво на „добар“ холестерол. Исто така, тие се посклони и кон заболување од метаболички синдром, кој го зголемува ризикот од срцев и мозочен удар, како и дијабетес.
Проценката на плодноста кај мажите може да даде добар увид во целокупната нивна здравствена состојба
Според мислењето на експертите, намалениот број на сперматозоиди е поврзан со метаболички промени, ризик од срцеви заболувања и мала коскена маса.
Се смета дека проценката на плодноста кај мажите може да овозможи добар увид во нивното здравје.
