Со консумирање на дополнителни 50 г ориз дневно може да се спречи дебелината – покажало едно ново истражување. Научниците утврдиле дека стапката на дебелина е најниска во земјите во кои оризот се јаде во големи количества. Од друга страна, во земјите каде тој се консумира во мали количества стапката на дебелина е многу поголема, судејќи според меѓународната стидија во која е анализирана исхараната на жителите на 136 земји.
Иако се смета дека оризот е здрава замена за лебот, порано се мислело дека е мошне калоричен и може да доведе до вишок килограми.
Научниците сега истакнуваат дека влакната кои се наоѓаат во целовитите житарки како што е оризот, даваат чувство на ситост и со тоа го спречуваат прејадувањето. Научниците од Женскиот колеџ на слободни уметности во Кјото, го воделе истражувањето што го предводел професорот Томоко Имаи, во чии рамки го анализирале дневниот внес на ориз во грамови по личност, како и внесот на калории во 136 земји. Исто така, предвид ја земале и телесната маса.
„Резултатите покажуваат дека стапката на дебелина е најниска во државите каде жителите редовно јадат ориз. Во склад со тоа, јапонската или воопшто азиската кујна, која се заснова на ориз, може да помогне во спречување на дебелината“, смета професорот Имаи.
Научниците истакнуваат дека резултатите се исти и откако предвид ги зеле факторите како начин на живот и социоекономските фактори. Заради тоа додаваат дека дури и мало зголемување во консумирањето ориз може да ја намали стапката на дебелина. Истакнуваат дека со консумирање на 50 г ориз дневно, бројот на дебели ширум светот се намалил од 650 милиони на 643,6 милиони. Инаку, според ова истражување најмногу ориз се консумира во Бангладеш каде во просек се јадат по 473 грама од оваа намирница по личност дневно. Следуваат Лаос (443 грама), Камбоџа (438 грама), Виетнам (398 грама) и Индонезија (361 грам).
„Со векови знаеме дека жителите на источните земји се послаби од останатите“, открил претседателот на Националниот форум за дебелина Там Фрај и додал: „Ова ново истражување е прво кое покажало дека можеме да се бориме против дебелината така што ќе консумираме повеќе од оваа намирница.“
